Con motivo do patrón da profesión xornalística, o  Ateneo de Santiago, en colaboración coa Asociación de Periodistas de Santiago, celebrará unha homenaxe á figura de Alfredo Vicenti, o máis destacado xornalista compostelán do século XIX.

O acto terá lugar o mércores, 24 de xaneiro, ás 19.30h na sede do Ateneo (Praza de Salvador Parga, 4-2º). Intervirán no acto, aberto ao público, o xornalista Benxamín Vázquez e o catedrático de Socioloxía da Universidade da Coruña e xornalista Vicente González Radío.

O Ateneo de Santiago, con motivo do seu décimo aniversario, ven de convocar o Premio “Alfredo Vicenti” de Xornalismo Cívico, que se fallará no vindeiro mes de outubro.