O martes 16 de xuño ás 17.30h na Biblioteca do Ateneo (Praza Salvador Parga, 4, 2º) terá lugar a última sesión do Club de Lectura, na que se comentará a obra Génie la loca de Inès Cagnati.

Génie la loca relata a historia dunha muller nun mundo rural despiadado e da súa filla Marie na Francia da Segunda Guerra Mundial. Marie segue os pasos da súa nai, quen leva unha vida que a obriga a traballar duro no campo namentres chora desconsolada enfrentada a unha familia que a rexeita. A xente chámaa «Génie la loca» malia ser só unha muller introvertida abandonada nunha sociedade desalmada.

Inès Cagnati foi unha novelista francesa, nada nunha familia de agricultores con cinco fillas. Licenciouse en letras modernas e foi profesora de letras no Liceo Carnot de París nos anos 70. Como escritora, as súas obras máis recoñecidas son Le jour de congé, Génie la folle e Mosé ou le Lézard qui pleurait.