O sábado, 17 de outubro, o Ateneo de Santiago realizará unha visita a Caldas de Reis, importante vila termal de Galicia con patrimonio etnográfico, natural e relixioso, onde se levará a cabo un percorrido guiado pola localidade e, de seguido, visitarase o taller de fundición dos Campaneiros de Badoucos en Arcos da Condesa.

A saída, ante a situación especial que se esta a vivir, farase en coches particulares e as visitas serán en sesión de mañá unicamente, cunha posterior comida en grupo optativa. No momento da inscrición deberá indicarse se se vai participar ou non na comida.

O prezo será de 10€, sen incluír a comida, que se pagará aparte.

O número máximo de participantes será de 9 persoas e as inscricións deberán realizarse no enderezo electrónico ateneo@ateneodesantiago.com ata o xoves 15 de otubro, admitíndose unicamente a inscrición dun máximo de dúas persoas en cada solicitude. As prazas serán adxudicadas por orde de solicitude con preferencia para os socios do Ateneo. Ás persoas admitidas faráselle chegar un programa máis completo.

No caso de que o número de solicitudes dea para constituír outro grupo, estudaranse as posibilidades de repetir a visita noutra data.