Segundo acordo da Xunta Directiva do 1/12/2020, convócase a Asemblea Xeral extraordinaria de socios do Ateneo de Santiago para o mércores, día 16 de Decembro do presente ano, en primeira convocatoria ás 19.00 horas e en segunda convocatoria ás 20.00 horas.

A Asemblea desenvolverase conforme a seguinte Orde do día:

Punto único. Aprobación, se procede, do Presuposto ordinario para o ano 2021 e do Presuposto extraordinario Ateneo Barroco 2021.

Dada a situación producida pola crise do coronavirus, a Xunta Directiva do Ateneo de Santiago acordou que a mesma sexa realizada de forma telemática a través da plataforma Zoom dende a sede social do Ateneo de Santiago (Pr. Salvador Parga, 4-2º de Santiago de Compostela) e que o voto dos diferentes puntos da Orde do día se poidan facer por correo electrónico ou postal, así como mediante delegación de voto, deica 48 horas antes da celebración da devandita Asemblea no documento de voto achegado coa convocatoria.

Ordinariamente as Asembleas reúnense en segunda convocatoria.