O xoves día 3 de marzo ás 19h celebrarase no salón de actos do Ateneo de Santiago, sito na Praza de Salvador Parga, 4-2º, un Faladoiro titulado «Telleiras e cerámicas, o sostén do crecemento urbano do século XX», que contará coa presenza de D. Manuel Lara, Fundador e Presidente de “BUXA, Asociación Galega do Patrimonio Industrial”.

Manuel Lara Coira é Enxeñeiro Industrial pola Universidade de Navarra, Diplomado en Enxeñería Ambiental e Doutor Enxeñeiro Industrial pola Universidade da Coruña. Exerceu como profesional liberal especialista en temas enerxéticos e como consultor independente en Enerxía e Medio Ambiente en todo tipo de proxectos enerxéticos e industriais. Foi Director Xeral de “Gestión Energética de Galicia, S.A.” e promotor do Instituto Enerxético de Galicia. Na actualidade é profesor de Enxeñería do Gas, Planificación Enerxética e Seguridade Industrial na Escola Politécnica Superior da Universidade da Coruña e divulgador de ciencia e industria. Entre as súas publicacións destacan “Las energías renovables y Galicia”, “El derecho al sol: titubeos hacia un urbanismo sotenible”, “Evolución de las alternativas energéticas y su entorno industrial”, “El régimen especial de producción de electricidad en España”, “El sector energético gallego”, “La recuperación del patrimonio industrial: el futuro de nuestro pasado, “La minería y el patrimonio minero en Galicia” e “El patrimonio industrial de Galicia”.