O vindeiro martes, 26 de abril, ás 19.30h celebrarase no Ateneo de Santiago (Praza de Salvador Parga, 4-2º) un Faladoiro sobre a situación actual do Sahara Occidental, que contará coa presenza de Brahim Mojtar, Ministro da República Árabe Saharaui Democrática.

Mojtar estudou ciencias económicas na Universidad de Málaga. En 1976, coincidindo coa proclamación da República Árabe Saharaui polo Frente Popular de Liberación de Saguia El Hamra y Río de Oro (Frente POLISARIO), abriu a oficina do POLISARIO en Estocolmo. Desempeñou diversos cargos diplomáticos arredor do mundo, sempre como representante do Polisario e embaixador da República Árabe Saharaui. Foie Secretario Xeral do Goberno (2001-2003) e director de protocolo (2003-2007) na RASD do presidente Mohamed Abdelaziz. Tamén dirixiu misións diplomáticas puntuais en 74 países que manteñen relacións coa República Árabe Saharaui Democrática. En 2013 e 2015 realizou xiras por diversas rexións españolas, co obxectivo de recabar apoios para a causa saharaui.