O ATENEO DE SANTIAGO rexorde no ano 2008 coa intención de fomentar a participación activa da sociedade civil na vida cultural da cidade.
Profesores universitarios, avogados, arquitectos, médicos e profesionais de diferentes áreas fixeron do Ateneo un espazo de participación, entendemento, coñecemento e profundización en todos aqueles temas de interese para a cidadanía.
O ATENEO DE SANTIAGO promove unha ampla e diversa oferta de actividades (conferencias, seminarios, debates, exposicións…) orientada á posta en valor dos recursos humanos e o potencial de saber da cidade. Sen perder de vista o seu obxectivo principal de converterse en foro de debate e de opinión plural e independente, aberto a toda a sociedade compostelá.